KURSAAL KONGRESU JAUREGIA

Kursaal jauregia hiriaren bihotzean dago, itsasoaren aurrean. Rafael Moneok diseinatutako eraikin abangoardista da, eta Europako eraikin onenaren Mies van der Rohe saria irabazi zuen 2001ean. Bi auditorium eta erabilera anitzeko aretoak ditu, teknologiarik aurreratuenaz hornituak. Horri, eta lantalde trebatuari esker, leku egokia da enpresa-bilera txikiak nahiz kongresu handiak, produktu-aurkezpenak, batzarrak eta erakustazokak egiteko. Horrez gain, LED argiztapena duen 1.500 metro karratuko fatxada dauka bezeroek komunikazio-tresna gisa erabil dezaten. Bere kokapenari esker, erraza da hotel eta jatetxe gehienetara eta saltokien gunera iristea. Andoni Luis Aduriz chefaren taldea arduratzen da han bertan egiten den jatetxezerbitzuaz. Gogoan izan behar da Adurizek bi Michelin izar dituela. • Ingurumen-kudeaketari buruzko ISO 14001:2004 ziurtagiria (2008) • Irisgarritasun orokorraren ISO 17001:2001 ziurtagiria (2007) • Kudeaketaren saria: Zilarrezko Q – EFQM saria (2005)