Donostiak 27 enbaxadore berri izendatu ditu, biltzar eta ekitaldi profesionalak erakartzeko egin duten lanagatik

Gaur arratsaldean, Donostiak 27 enbaxadore berri izendatuko ditu Enbaxadore programaren esparruan. Donostiako Convention Bureau bulegoak eta Kursaal Elkarguneak elkarrekin sustatu dute ekimena. Ekitaldia Kursaalen izango da, 19:30ean, eta xede izango du hirian eta lurraldean biltzar eta topaketa profesionalak antolatzen rol erabakigarria izan duten pertsonen ekarpena jendaurrean azpimarratzea.
 
Enbaxadore programaren helburua da jendaurrean eskertzea erreferenteok bakoitzak beren esparruetan izan duten konpromisoa, Donostia eta Gipuzkoaren bultzatzaile eta eragile gisa aritu baitira, ekitaldi profesionalak berean hartzeko helmuga bikain gisa. Haien lanari esker, garapen ekonomikoa eta ezagutzaren sorrera eta hedapena bultzatu dira eta talentua erakartzen eta hiriaren nazioarteko posizionamendua indartzen lagundu da.

Programak, 2012an sortu zenetik, ehun profesional inguru izendatu ditu enbaxadore, hirira erreferentziazko biltzarrak erakartzen dituen sare estrategiko baten kide izateko, Donostia eta bere ingurua askotariko gaietan nabarmentzen baitira, besteak beste, biozientzian, nanozientzian, material aurreratuetan, mugikortasun adimendunean, adimen artifizialean eta teknologia kuantikoetan.

Enbaxadoreak izendatzeko ekitaldia gaur arratsaldean izango da Kursaalen eta han izango dira Jon Insausti, Donostiako alkate eta Donostia Turismoko presidentea; Unai Andueza, Ekonomia Sustapeneko eta Proiektu Estrategikoetako foru diputatua (Eider Mendoza diputatu nagusia eta Kursaaleko presidentea ordezkatzen); Isabel Aguirrezabala, Donostia Turismoko zuzendari gerentea; Iker Goikoetxea, Kursaal Elkarguneko zuzendari gerentea, bai eta Enbaxadore berriak eta programaren aurreko edizioetan izendatutakoak ere.

Donostian eta Gipuzkoan, MICE turismoa (Meetings, Incentives, Conferences and Exhibitions) sektore estrategikoa da, eta apustu argia egiten du kalitatean, ezagutzan eta lurraldearentzako inpaktu positiboan oinarritutako turismo-eredu baten alde. Gainera, haren garapen ekonomikoan ere ekarpen nabarmena egiten du. Horixe jasotzen dute Donostiako Turismo Jasangarriko 2023-2027 Planak eta Gurera turismo-eredu berriak; hain zuzen ere, garapen turistiko orekatu eta jasangarri baten alde egiten dute, abiapuntu hartuta donostiarren ongizatea eta bizi-kalitatea erdigunean jartzen dituen hiri-kudeaketa integral bat.

Testuinguru horretan, Enbaxadoreen ekarpena bereziki garrantzitsua da hiriaren eta lurraldearen lehentasun estrategikoekin lerrokatutako biltzarrak erakartzeko, hitzorduok balio handiko zientzia- eta berrikuntza-ekosistemak sendotzen dituzte eta.

Programa honetan parte hartzean, enbaxadoreak profesionalen sare batean sartzen dira, zeinetan lankidetza, ezagutza-trukea eta sinergiak bultzatzen dituzten elkarguneak eta elkarlanerako aukerak aurkituko baitituzte.

Edizio honetan izendatutako Enbaxadoreei esker, gure hiriak gero eta ospe handiagoa du zientziaren, osasunaren, teknologia eta industriaren eta gizartearen arloetan egiten diren ekitaldi profesionalen helmuga gisa.

– Ricardo Díez Muiño – Donostia International Physics Centre (DIPC)
INTERNATIONAL QUANTUM MATTER CONFERENCE (QUANTUMATTER) – 2024
INTERNATIONAL CONFERENCE ON ARTIFICIAL INTELLIGENCE AND ADVANCED MANUFACTURING (AI4AM) – 2025
 
– Aitziber López Cortajarena – CIC biomaGUNE
EUROPEAN SOUTH ATLANTIC BIOPHYSICS CONGRESS (ESAB) – 2024
 
– Andreas Seifert – CIC nanoGUNE
IEEE/LEOS OPTICAL MEMS AND NANOPHOTONICS (OMN) – 2024
 
– Antje Stoehr – Basque Center on Cognition, Brain and Language (BCBL)
INTERNATIONAL SYMPOSIUM ON BILINGUALISM (ISB) – 2025
 
– Claire Tonnelé – Donostia International Physics Centre (DIPC)
SYMPOSIUM ON COMPUTING CONJUGATED COMPOUNDS (CPIC-14) – 2024
 
– Aran García-Lekue – Donostia International Physics Centre (DIPC)
GRAPHENE CONFERENCE – 2025
 
– Clara García Astrain – POLYMAT
BIOMEKANIKAREN ETA BIOMATERIALEN ESPAINIAKO ELKARTEAREN NAZIOARTEKO XLVII. BILTZARRA – 2025
 
– Dorleta Jiménez de Aberasturi Arranz – CIC biomaGUNE
BIOMEKANIKAREN ETA BIOMATERIALEN ESPAINIAKO ELKARTEAREN NAZIOARTEKO XLVII. BILTZARRA – 2025
 
– Raquel González Miguel – Donostia Unibertsitate Ospitalea
FAMILIA ETA KOMUNITATE MEDIKUNTZAREN ESPAINIAKO ELKARTEAREN (SEMFYC) BILTZARRA – 2023
 
– Irene Diez Itza – Donostia Unibertsitate Ospitalea
PELBIS ZORUAREN XI. KONGRESU NAZIONALA (SEGO) – 2024
 
– Álvaro Iruin Sanz – BioGipuzkoa
PSIKIATRIAKO ETA OSASUN MENTALEKO XXVII. BILTZAR NAZIONALA (SEPSM) – 2024
 
– Javier Aritz Urcola Carrera – Begitek Klinika
GLAUKOMAREN ESPAINIAKO ELKARTEAREN (SEG) NAZIOARTEKO 19. BILTZARRA – 2025
 
– Irune Ruiz Díaz – Donostia Unibertsitate Ospitalea
ANATOMIA PATOLOGIKOAREN ESPAINIAKO ELKARTEAREN (SEAP-IAP) BILTZAR NAZIONALA – 2025
 
– Gotzone Urteaga Barreras – Euskadiko Emaginen Elkartea
EUSKADIKO EMAGINEN ELKARTEAREN II. BILTZARRA ETA ESPAINIAKO EMAGINEN ELKARTEEN FEDERAZIOAREN (FAME) XXXIII. BILTZARRA – 2025
 
– Mikel Larreategi Arana – CodeSyntax
PLONE CONFERENCE – 2023
 
– Rikardo Bueno Zabalo – Basque Research and Technology Alliance (BRTA)
MANUFUTURE CONFERENCE – 2023
 
– José David Núñez González – Gipuzkoako Ingeniaritza Eskola (UPV/EHU)
EUROPEAN SIMULATION AND MODELLING CONFERENCE (ESM-ETI) – 2024
 
– Santiago Miguel Olaizola Izquierdo – CEIT
INTERNATIONAL SYMPOSIUM ON LASER PRECISION MICROFABRICATION (LPM) – 2024
 
Haritz Sardón Muguruza – Euskal Herriko Unibertsitatea (UPV/EHU)
1st CONFERENCE SERIES ON ADDITIVE MANUFACTURING OF SOFT MATERIALS – 3D ADDITIVE MANUFACTURING (3DAM) – 2025
 
– Javier Barriga – Tekniker
LUBRICATION MANAGEMENT AND TECHNOLOGY CONFERENCE (LUBMAT) – 2024
 
– Andoni Aldekoa – EITB
39th ANNUAL CONFERENCE OF CIRCOM REGIONAL – 2023
 
– Natalia Diez-Caballero Alonso – Hirukide
FAMILIA UGARIEN XIV. BILTZAR NAZIONALA ETA FAMILIA UGARIEN EUSKADIKO XI. BILTZARRA – 2024
 
– Jokin Telleria Julian – DANTZ
DANTZ NETWORK CONGRESS – 2025
 
– Iñaki Sagarna Urzelai – The Hemingway Society
BIENNIAL HEMINGWAY SOCIETY CONFERENCE – 2024
 
– Jon Altuna Iraola – Mondragon Unibertsitatea
EUROPEAN DUAL HIGHER EDUCATION CONFERENCE (EU4DUAL) – 2025
 
– Fernando Pérez Rodríguez – Donostiako Udala
INTERNATIONAL WATER ASSOCIATION WATER LOSS CONFERENCE (IWA) – 2024
 
– Kepa Korta Murua – Estrategia Bulegoa
PARLIAMENTARY ASSEMBLY OF THE COUNCIL OF EUROPE (PACE) – 2025
 

– Ricardo Cuellar – Gipuzkoa Poliklinika (Enbaxadorea 2012tik, aitorpena eta omenaldia hil ostean)
ARTROSKOPIAREN ESPAINIAKO ELKARTEAK (AEA) ETA BELAUNAREN ESPAINIAKO ELKARTEAK (SEROD) ELKARREKIN EGINDAKO BILTZARRA – 2025
2016
 
– Luis Liz-Marzán – CIC biomaGUNE. Enbaxadorea 2016tik.
GOLD CONFERENCE – 2025