2012. urtean sortu zenetik, ekimen honekin azpimarratu egiten da pertsona horien lanak hirian eta lurraldean sortzen duen inpaktuaren balioa, bai ekonomiaren aldetik eta baita ezagutza zabaltzearen eta nazioarteko ospearen aldetik ere.

Era berean, Donostia kongresu eta bilera nazionalak eta nazioartekoak antolatzeko helmuga gisa aurkezten laguntzea ere helburu du programak, betiere hazkunde jasangarria sustatuz hirian egiten diren ekitaldi profesionalen kopuruari eta kalitateari dagokienez.

Programaren parte izateak berekin dakar Donostian eta Gipuzkoan antolatzen diren erreferentziako kongresuak erakartzeko eta antolatzeko ezinbestekoak diren profesionalen sare batera sartzea. Enbaxadoreak dira gure hiriak duen ekitaldi profesionalak antolatzeko helmuga bikainaren izen ona indartzen laguntzen duten pertsona aipagarriak.

Enbaxadore izendapenak 10 urteko iraunaldia du (ematen den datatik aurrera). Iraunaldi hori luza daiteke izendatutako profesionalak beste kongresu edo ekitaldi nabarmen batzuen antolaketan aktiboki parte hartzen badu, modu horretan bere ibilbidea eta konpromiso jarraitua azpimarratuz.

Enbaxadore Programak honako hauetan parte hartzea dakar:

– Urteko izendapen ekitaldia, Enbaxadore berriak publikoki aitortzekoa.
– Networking topaketak eta ekitaldi sozialak, lankidetza sustatzeko, esperientziak partekatzeko eta profesionalen arteko sinergiak sortzeko.

Enbaxadore izendapena, aitorpen publikoa izateaz gain, aukera ona da ere lotura profesionalak sendotzeko, hiria nazioarteko mailan ezagutzera emateko eta Donostiak duen kongresu eta ekitaldi profesionalak egiteko erreferentziako helmuga irudia hazten laguntzeko mundu osoan.