Hezkuntza, diseinua eta adimen artifiziala: hiru gai nagusi bilduko dira Donostian apirilean
- 2025 Api 01
Apirila kongresu-jardueraz beterik dator Donostian. Hainbat ekitaldi profesional egingo diren arren, Donostia Turismoa eta bere Convention Bureau-k nazioarteko hiru kongresu nabarmendu nahi dituzte, bai parte-hartzaileak mundu osoko aditu eta ordezkariak direlako, bai haien gaikako eraginagatik eta tokiko antolatzaileekin izandako lankidetza estuagatik. Ekitaldi horiek Donostiaren posizionamendua indartuko dute MICE sektoreko nazioarteko helmuga gisa.
Apirilak 2-3 – EUROPEAN DUAL HIGHER EDUCATION CONFERENCE – EU4DUAL
Mondragon Unibertsitatearen ekimenez irabazitako hautagaitzari esker, Donostiak hartuko du EU4Dual aliantzaren urteko biltzarra. "Greener Visions, Brighter Futures" lemapean, ekitaldia Galarretako Campusean egingo da (Donostia), eta bigarren eguna Bidarten (ESTIA Teknologia Institutuan).
200 lagun inguruk parte hartuko dute, eta gai nagusiak izango dira ekonomia berdea eta lanaren etorkizuna, betiere hezkuntza dualaren ikuspegitik.
Informazio gehiago: EU4DUAL 2025
Apirilak 6-8 – LEADERS OF DESIGN 2025 ANNUAL CONFERENCE
Leaders of Design Association-ek bere urteroko konferentzia Donostian egingo du, eta 150 parte-hartzaile bilduko dira Hotel María Cristina eta Tabakalera bezalako gune inspiratzaileetan.
Spanish Heritage-ek antolatua, kongresua ICCA erakundean erregistratuta dago, eta horrek Donostiaren nazioarteko kongresu helmuga gisa duen garrantzia indartzen du.
Informazio gehiago: Leaders of Design 2025
Apirilak 8-10 – INTERNATIONAL CONFERENCE ON ARTIFICIAL INTELLIGENCE AND ADVANCED MANUFACTURING (AI4AM)
Kursaal-en egingo da AI4AM 2025 kongresua, adimen artifizialaren aplikazioari buruzkoa materialaren zientzian eta fabrikazio aurreratuan. Phantoms Foundation, DIPC, IFIM eta ICN2 erakundeek antolatuta, kongresuak diziplina anitzeko ikuspegia izango du.
Informazio gehiago: AI4AM 2025